Sniglabrauð (2 brauð)

700 gr hveiti

300 gr rúgmjöl

3 tsk. salt                                    

5 tsk. þurrger

600 ml volgt vatn

Hnoða deigið með hrærivél, láta deigið hefast og hnoða síðan aftur. Skipta  deiginu í tvo hluta og rúlla  ca. 80cm langan streng úr hvorum deigshluta. Breiða rakan (ekki blautan !) klút yfir og láta stengina hefast aftur. Ofninn forhitaður á 250°C. Síðan er fyrri strengurinn lagður í hringi, byrjað í miðjunni af “sniglahúsinu”.Endirinn falinn undir brauðinu. Eins verður farið með seinna strengnum. Brauðin tvö lögð á ofnskúffu og bakað strax. Þegar brauðin eru sett í ofninn er hellt einum bolla af köldu vatni á botn ofnsins og ofninn lokaður eins hratt og hægt er. Gufan sem myndast gefur brauðinu skemmtilega stökka skorpu.

Eftir 5 mín. er hitinn lækkaður í 200°C og brauðin bökuð í u.þ.b. 40 mín.