Svipmyndir úr sauðburðinum
Tveir sauðburðavaktmenn orðnir svefninum að bráð. Sum þurfa “gjörgæslu” og aukapela. Afi Kalli að líta á einn flottan: alhvítur með eitt svart eyra.
Kind-Ull- Band- Peysa- Kind: Endurvinnslukindur
Þessar kindur eru saumaðar úr gömlum lopapeysum og öðrum notuðum fatnaði. Búkur og haus eru tvöfaldir: lopapeysa að utan , bómullarbolur að innan, og kindurnar fylltar með 100% polyester. Engin er eins.
Lambakóngur fæddur
Er maður ekki sætur???!!!! Í dag 24.4. 2012 fæddist lambakóngurinn á bænum. Hann kom reyndar 10 dögum fyrir tímann, en hann braggast vel og hann hlaut nafnið Tumi þumall. Mamman er afar stolt og glöð með litla hrútinn sinn. Og hver er nú sökudólgurinn????
Gleðilegt sumar!
Sumardagurinn Fyrsti 19. apríl 2012: Vetur og sumar frusu saman svo að það má búast við góðu og sólríku sumri-allavega lofaði fyrsti dagurinn góðu! Bensi og Astrid leggja af stað í þann langþráða fyrsta reiðtúr ársins Frú Bleik og Snædís fóru í labbitúr til að heilsa upp á sumarið.
Hjörtu úr hvítri ull
Þessi hjörtu eru þæfð úr hvítri ull, kjarnin er úr svampi. Síðan eru blöð og blóm saumuð í eftir á. Engin tvö eru alveg eins.
“Vörutalning” á Bægisá
Sunnudaginn 25.3. 2012 fór fram fósturtalning hjá okkur. Að venju sá Gunnar frá Sandfellshaga um talninguna. Útlitið er gott fyrir vorið í ár. Einungis fjórar ær voru lamblausar. Álíka margar töldust með eitt og með þrjú. Ingólfur Samúelsson, Stefán bóndi, Pálmi Lárusson og Gestur Hauksson. Guðmundur Skúlason stendur í garðanum.
Innbundnar bækur
Skemmtilgar línustrikaðar bækur með áfastri ullarkápu. Örþunnt efni/mynd er handþæft , þurrkað og síðan límt utan á stílabók.
Gráflekka-flottasta ærin á bænum
Það má nýta gamlar lopapeysur í ýmislegt. Þessi kind leit dagsins ljós síðl. helgi. Búkurinn er í tveimur lögum ( stuttermabolur að innanverðu, lopapeysa að utanverðu). Haus og fætur eru úr vélprjónuðu efni. Kindin er fyllt með polyesterfillingu. Augun eru tvær stórar tölur. Allt efnið í kindinni eru endurnýtt föt úr nytjamörkuðum t.d. hjálpræðishernum.
Fleiri töskur
Tvær mismunandi gerðir af hliðartöskum. Stór innkaupataska úr svartri ull með hvítum lokkum.
Gleðilegt nýtt ár 2012
Nýársheimsókn hjá hrossunum, sem eru á beit í Garðshornshólfinu. Það var farið út eftir á skíðum , en svo máttu Astrid og Beggi til með að fara aðeins á bak . …og auðvitað kom Tobbi líka með okkur… Beggi og Tryggur gamli Moldi og Astrid
